pins-lit-hex@gmx.at
pins-lit-hex@gmx.at

Was ist Kunst?

 

 

 

Da Friedrich Schiller hot gsogt: Ernst ist das Leben, heiter die Kunst.

 

 

 

Nur: wos ist Kunst?  hot sie mauncha scho gfragt

 

und wäu do a jeder was aunderes sagt,

 

hob i ma´s hirn zermartert wos Kunst sei

 

und herauskumman ist dabei...........

 

eigentli nix … wäu – egal wia s´d tuast des Wurt interpretieren,

 

brauchst di überhaupt gor net genieren,

 

waunst di sölber „Künstler“ haaßt

 

weulst ja du aum besten waaßt

 

wos du wirklich gerne mochst

 

wauns fertig is, vur Freude lochst

 

wäuls so guat gelungen ist

 

obwohl s´d dazwischen fast zersprungen bist:

 

 

 

do is a Maschn obegfalln,

 

dort tuat da dritte Ton so hallen,

 

die Pinselstrich san wogglat wurn,

 

den Stift host zbrochen in dein Zurn.

 

Des Schweinerne ist fast verbraten

 

des Gmias zu salzig dir geraten.

 

Die Knödel vü zu wach und potzert

 

den Hund hast geschert, er is fost glotzert.

 

Beim Laufsport gregnt hots auf der Gossen

 

doch du mein Freund bliebst unverdrossen:

 

 

 

Host d´Maschen aufgfaungt, weitergstrickt,

 

Mit Mehl und Ei die Knödl pickt.

 

A guats Supperl über Gmias und Schwein,

 

mei hot des ollas gschmeckt daun fein!

 

Die schiefn Strich bunt übermoit, a schöne Expression is boid.

 

Den Stift gespitzt, den Hund frisiert,

 

mit´n Wetterfleck bist grennt wia gschmiert.

 

Dazua den dritten Ton gesungen,

 

des Liad hat jetzt perfekt geklungen!

 

 

 

Die Moral von der Geschicht:

 

unterschätzt die LebensKÜNSTLER nicht!

 

Ob Haushalt, Job, ob LIEBESLEBEN ….

 

immer wo wir unser Bestes geben ..

 

mit Willen, Freud´ und großer Inbrunst ..

 

entwickelt sich das TUN zur KUNST !!